Eiður Ragnarsson hugrenningar og vangaveltur

Flutningur

Wed, 26 Apr 2006 01:07:06 GMT

Hef ákveðið að færa mig um set yfir á:http://eirag.blog.is

Mér finnst þar allt mun einfaldara og berta rétt eins og það yrði hér í Fjarðabyggð ef Framsókn fengi hreinan meirihluta!!

It´s on

Wed, 26 Apr 2006 00:48:16 GMT

Baráttan er hafin.

Þáttur NFS frá Fjarðabyggð makaði upphaf kosningabaráttu hér í Fjarðabyggð. Reyndar voru nú oddvitarnir allir frekar samstíga í sínum tilsvörum í þeim ágæta þætti en þó held ég að Guðmundur Þorgríms hafi verið einna skýrastur í sínum svörum.

Sjálfstæðismenn ætla greinilega að byggja sína kosningabaráttu á því að neita allri aðild að ákvarðanatökum í sveitarfélaginu síðustu 4 ár, en ef fundargerðir Bæjarstjórnar og Bæjarráðs eru skoðaðar þá er það nú yfirleitt svo að íhaldið tekur fullan þátt í öllum meiriháttar ákvörðunum sem teknar hafa verið. Einnig sést að ekki hafur verið mikið um tillöguflutning frá þeirra hálfu og því erfitt að benda á verkin sem eiga að tala.

Biðlistin virðist hafa svipaða taktik á takteinum og síðast, húmorinn er í hávegum hafður, en ég vona bara þeirra vegna að þeim gangi betur að manna nefndirnar heldur en síðustu 4 ár, en það hafa verið starfandi ansi margar 4 manna nefndir hér í Fjarðabyggð. En auðvitað er það háð því að þeir komi sínum manni að, sem er að sjálfsögðu langt frá því að vera öruggt.

Fjarðalistinn er að spila "Samfylkingartaktik" með því að skella Smára í 4 sæti og það gæti skilað sér, en það gæti reyndar líka virkað öfugt. (það virkaði ekki vel hjá Ingibjörgu frænku) Smári er óumdeildur skörungur en þrátt fyrir það þá er ekki víst að það sópist að þessum lista með hann í 4 sæti, því það eru jú aðrir á listanum en hann.

Við á B-listanum ættum að geta verið nokkuð sátt svona í byrjun, en það er ljóst í mínum huga að það er verk að vinna. Þessar prósentur eru ekki nog við eigum að eiga meira inni, og við eigum að banka á með 4 mann þ.e. undirritaðann.

Þetta byrjar nú að skýrast og á næstu dögum fara menn á fullt að afla fylgis og við spyrjum að leikslokum.

adios

Eiður

B listinn i Fjarðabyggð

Tue, 04 Apr 2006 08:07:37 GMT

Listi Framsóknarfélaga Mjóafjarðar,Fjarðabyggðar, Fáskrúðsfjarðar og Stöðvarfjarðar,fyrir sveitarstjórnarkosningar 27 maí 2006.

B-listinn

1. Guðmundur Þorgrímsson Austurbyggð

Bæjarfulltrúi

2. Þorbergur N Hauksson Fjarðabyggð

Bæjarfulltrúi

3. Líneik Anna Sævarsdóttir Austurbyggð

Bæjarfulltrúi

4. Eiður Ragnarsson Fjarðabyggð

Bæjarfulltrúi

5. Jón Björn Hákonarson Fjarðabyggð

Bankastarfsmaður

6. Jóhanna Guðný Halldórsdóttir Austurbyggð

Húsmóðir

7. Svanhvít Aradóttir Fjarðabyggð

Þroskaþjálfi

8. Gísli Þór Briem Fjarðabyggð

Verslunarmaður

9. Þórhallur Árnason Fjarðabyggð

Lögreglumaður

10. Bjarney Hallgrímsdóttir Fjarðabyggð

Nemi

11. Stefán Ingvarsson Fjarðabyggð

Netagerðarmaður

12. Ingi Steinn Freysteinsson Fjarðabyggð

Nemi

13. Jóna Ingunn Óskarsdóttir Fáskrúsfjarðarhr

Bóndi

14. Sigfús Vilhjálmsson Mjóafirði

Hreppstjóri

15. Guðrún Kjartansdóttir Fjarðabyggð

Bóndi

16. Þórfríður Þórarinsdóttir Fjarðabyggð

Nemi

17. Unnur Hólmfríður Sigurðardóttir Fjarðabyggð

Nemi

18. Vilhjálmur Hjálmarsson Mjóafirði

Fv. ráðherra

Þá er hann kominn listinn sem kemur til með að sópa að sér fylgi í næstu bæjarstjórnarkosningum og ná hreinum meirihluta.

Á góðum degi

Mon, 03 Apr 2006 17:31:38 GMT

Er gott að vera til. Ég fór eins og alltaf á mánudögum yfir Fjarðarheiði í dag, og þvílíka blíðan drengur. Það var ekki skýhnoðri á himni og allt mjallarhvítt yfir að líta. Alveg 100% vetrarveður, og það hefði verið frábært að eiga tvo hluti í dag, vélseða og tíma til að nota hann.

Það hefði mátt sprauta þarna um allar heiðar á engum tíma, keyra uppá alla fjallatoppa sem í ausýn voru og njóta útsýnisins og veðurbliðunar. En þar sem ekki er til hjá mér vélsleði, og ennsíður tími þá bíður þetta betri tíma. Ég verð bara að vona að það hætti ekki alveg að snjóa á Íslandi þrátt fyrir spár vísindamanna um hlýnandi veðurfar.

Reyndar greinir marga ágæta vísindamenn á um það hvaða áhrif þessi hlýnun sem virðist vera í gangi núna hafi á veðurfarið til lengri tíma litið. Sumir vilja meina að það geti kólað snögglega á eftir svona hlýnun og vilja meina að þetta sé náttúruleg sveifla en mengun mannskepnunar eigi þar lítin hlut að máli. Ekki veit ég hvað er satt og rétt í því, en það hefur verið bent á að líklega var mun hlýrra hér á skerinu fyrir svona um 1100 árum eða um landnám. Það hefur verið bent á gamlar heimildir því til stuðnings og einnig hafa borkjarnar úr Grænlandsjökli sýnt svipaða sögu, en svo eftir nokkur hlýindi þá kólnar snögglega, svo snögglega að það nálgast hamfarir.

En hvað sem þessu öllu líður þá væri gaman að eiga góðan sleða á degi eins og var í dag.

Að vera eða vera ekki.... rökréttur

Sun, 02 Apr 2006 13:35:28 GMT

Það er nú nokkuð ljóst að það er ekki alvara mikil á bakvið síðustu dagbókarfærslu (Stöðvum umferðina í Reykjavík) hjá mér, en það má samt segja að þetta sé rökrétt að tíunda þetta svona. Það má nefnilega færa rök fyrir nánast hverju sem er á nokkuð sannfærandi hátt, og fyrir venjulegt fólk sem hlustar á þessi rök hljóma rökin oft bæði vel og virka skynsamleg.

Ég held nú reyndar ekki að þessi klausa hér fái mikinn hljómgrunn meðal fólks, en þetta fólk kanski til umhugsunar um það hvað það er nauðsynlegt að hugsa um hin ýmsu mál með gagnrýnum huga ekki bara að vera alltaf sammála síðasta ræðumanni.

Vangaveltur um umhverfisvernd!!!!

Sat, 01 Apr 2006 13:49:03 GMT

Menn velta stundum fyrir sér hinum ýmsu hliðum á umvhverfisvernd, ég er hér með eina hliðina á henni, en kanski ekki þá hlið sem oftast er tíunduð en samt.....

Stöðvum umferðina í Reykjavík.

Það er með ólíkindum að stjórnvöld skuli hafa leyft þessar gífurlegu framkvæmdir við umferðarmannvirki á Höfuðborgarsvæðinu. Það hefur alla tíð verið vitað að umferðin í Reykjavík er gífurlegur mengunarvaldur og undirlægjuháttur stjórnvalda við þá sem reisa mannvirkin því óskiljanlegur í því samhengi.

Ég veit ekki hvort almenningur gerir sér grein fyrir því, en umferðin í Reykjavík tekur 40% af þeim kvóta af gróðurhúsa lofttegundum sem Kyoto bókunin leyfir eða 640 þúsund tonn. Á endanum leiðir þetta til þess að okkur verður bannað að aka á milli bæja hér á Austurlandi nema verða okkur úti um kvöta af koltvísýringi til þess arna. Þannig gengur umferðin í Reykjavík á lífsgæði okkar allra.

Orsök þessa alls er sú undarlega stefna stjórnvalda að breiða úr borginni eins og mögulegt er og drita íbúðabyggð niður á sem dreifðustu svæði. Svo reyna stjórnvöld af öllum mætti að halda uppi byggð í fjarlægum borgarhverfum með hálftómum strætisvögum sem menga meira en tárum taki. Öllum sem búa í þessum fjarlægu hverfum er gert kleyft að eignast bíl sem þeir svo nota til að reyna að afla sér lífsviðurværis í öðrum borgarhverfum og sækja kaffihús í miðborginni. Það væri nær að byggja 50 háhýsi á 20 hæðum í Vatnsmýrinni sem gæti rúmað alla íbúa Breiðholts, Árbæjar og Grafarvogs og jafnvel tekið Norðlingaholtið og fyrirhugaða byggð við Úlfarfell einnig.

Þessi fáránlega stefna skerðir möguleika okkar allra í landinu. Það er ömurlegt að virða fyrir sér útsýnið frá Grensási austur yfir borgina þar sem fagrar hlíðar Árbæjarbrekkunnar, Breiðholtsins og Grafarvogsins hafa orðið íbúðabyggð og umferð að bráð að ekki sé talað um Sogamýrina og Elliðavoginn. Þessar ferðamannaparadísir sem einu sinni voru, hafa verið sundurgrafnar af húsgrunnum og þar reistar ljótar byggingar sem aðeins þjóna íbúum á höfuðborgarsvæðinu og gera fólki kleyft að búa á nær óbyggilegum jaðri höfuðborgarinnar. Náttúra höfuðborgarinna, sveit í borg er sameign okkar allra og stjórnvöld geta ekki leyft sér þetta.

Það væri nær að gera eitthvað annað. Eitthvað annað sem gerði það mögulegt fyrir þetta aumingja fólk sem hrakist hefur úr litlum og vinarlegum húsum miðborgarinnar, Norðurmýrar og Vesturbæjar að lifa nægjusömu lífi án bíls eða strætisvagna sem skemma fyrir okkur hinum. Ef ekki hefði verið farið út í að breiða borgina út um allar trissur gætum við setið á fögrum sumardegi í hlíðum Breiðholtsins með nesti án þess að þurfa að horfa upp á umferðarmannvirki og byggð svo langt sem augað eygði.

Ég skorað á stjórnvöld að stöðva nú þegar allar framkvæmdir við umferðarmannvirkin sem gera þessa mengandi umferð mögulega. Ég skora á stjórnvöld að banna frekari byggingar nema upp í loft til að við getum fengið notið fagurrar náttúru höfuðborgarinnar. Reykjavík er jú einu sinni höfuðborg okkar allra.

Svo mörg voru þau orð.

ja hérna hér

Thu, 23 Mar 2006 00:37:14 GMT

Meira að segja kettirnir vilja taka þátt í uppbygginguni í Fjarðabyggð og ákveða uppá eigin spýtur að flytja búferlum af Héraði til Fjarðabyggðar.

Ég sá það í Dagskránni síðustu að kötturinn Níels, sem hingað til hefur verið búsettur í fjósinu á Egilsstöðum ákvað að húkka sér far með flutningabíl niður á Reyðarfjörð og spóka sig um þar.

Reynt var að stöðva flutning hans niðureftir en allt kom fyrir ekki, niður eftir fór hann, og unnir hann hag sínum eflaust vel enda hvergi betra að vera en í Fjarðabyggð, og það má segja að kisi sé á góðum stað.

Þessi ágæti köttur er því nýjasti íbúi Fjarðabyggðar.

Vertu velkomin Níels

Ótrúlegt alveg hreint......

Thu, 16 Mar 2006 14:23:15 GMT

Að ekki skuli ganga neitt hjá okkur hér fyrir austan að fá nauðsynlega fyrirgreiðslu frá hinu opinbera í þeim málum sem skipta miklu máli í þessum framkvæmdarfrasa sem nú er í gangi.

T.d. samgöngur, það er alveg sama hvaða rök eru dregin fram og reynt að leiða þessu ágæta fólki fyrir sjónir nauðsyn þess að hér verði gert enn betur í samgöngumálum en nú er búið að gera. Ég vil nefna til dæmis Hólmahálsinn, sem er umferðarþyngsti vegspottin í fjórðungnum, hann er í bið af því að það eru ekki til peningar í hann en á meðan horfum við uppá það að vegurinn þar er að verða ónýtur. Og að ekki sé minnst á að hann er kræklóttur mjór og brattur.

Oddskarð er löngu sprungið vegna umferðarþunga en það á ekkert að gera í málinu næstu árin, en það þarf ekki annað en að nefna stóriðjuframkvæmdir við Húsavík og þá er nánast búið að opna Vaðlaheiðargöng. Að sjálfsögðu eiga menn ekki að láta það duga að bora yfr í Fannardal heldur eiga menn að fara alla leið á Seyðisfjörð.

Hamarsfjörður og Berufjörður eru bráðum einu kaflarnir á hringveginum sem eftir eru án bundins slitlags, þar á ekkert að gera af viti strax heldur á að tjasla í þá með einhverjum smáaurum og sjá til. Það á að þvera Hamarsfjörð við Miðfjarðarsker og ekkert annað á að koma til greina, þetta er svipuð framkvæmd og þverun Kolgrafarfjarðar með svipaðri styttingu, en líklega með heldur meiri umferð. En það bara vill svo óheppilega til að þetta kjördæmi er á ekki Samgönguráðherra og því bíður þessi kafli áfram.

Allar þær einbreyðu brýr sem í þessum ágæta fjórðungi eru, þarf að fara markvisst í að fjarlægja en þær eru laaaaaangflestar hér í þessum fjórðungi og skapa mikla hættu fyrir vegfarendur.

Ég skora á Jón, Valgerði, Dagnýju, Birki, Einar, Kristján, Halldór, Arnbjörgu, Steingrím og Þuríði að taka sig saman í andlitinu og gera eitthvað í málinu, því að það er orðið löngu tímabært.

Eiður

Að taka upp léttara hjal

Tue, 07 Mar 2006 22:25:11 GMT

Það er búið að vera mikið um pólitík hér á þessari síðu undanfarið, og nú er tími til komin að slá aðeins á léttari strengi. Hér er smávegis af fánýtum fróðleik, sem er til þess fallin að létta brúnina á þeim sem lesa, en samt er þetta allt dagsatt!!!

Í Ástralíu er bannað að stunda kynlíf með kengúrum auk þess sem bannað er að eiga rúm á ákveðnum stöðum án tilskilinna leyfa. Almennir borgarar mega heldur ekki skipta um ljósaperur. Löggiltir rafvirkjar mega einir gera slíkt. Það fáránlegasta af þessu öllu saman er kannski það að í bænum Victoria er bannað að vera í bleikum stuttbuxum eftir hádegi á sunnudögum.

Í bænum Santa Cruz í Bólivíu er bannað að stunda kynlíf með móður og dóttur á sama tíma. (ojojojojojojojojoj) Kanadabúum er bannað að stíga um borð í flugvél eftir að hún er farin á loft. Það er líka ólöglegt að fjarlægja plástur og önnur sárabindi opinberlega. Í bæ einum segja lögin enn fremur til um að þegar fangi losnar úr fangelsi skal honum afhent hlaðin byssa ásamt hesti svo hann geti riðið út úr bænum sem fyrst.

Íbúum Calgary er bannað að kasta snjóboltum án þess að hafa sérstakt leyfi frá bæjarstjóra og í Nova Scotia er bannað að vökva garða þegar það rignir. Þar er jafnframt bannað að prumpa á meðan maður reykir en í bænum Oxbridge er bannað að hafa internettengingu sem er öflugri en 56k.

Í Kólumbíska bænum Cali mega konur aðeins stunda kynlíf með eiginmanni sínum og þegar það gerist í fyrsta skipti skal móðir konunnar vera viðstödd. Enskum konum er bannað að borða súkkulaði í almenningssamgöngutækjum, s.s. lestum og strætisvögnum. Það er líka bannað að borða bökur á jóladag og svo mega eiginmenn alls ekki lemja konur sínar eftir kl. 21 á kvöldin.

Í Frakklandi er bannað að kyssast á járnbrautastöðvum og þarlendir svínabændur mega ekki undir neinum kringumstæðum kalla svínið sitt Napóleon. Í Indónesíu liggur dauðarefsing við sjálfsfróun.

Ítalskir karlmenn mega ekki ganga um í kjólum. Ef þeir gera það eiga þeir á hættu að verða handteknir. Það er líka bannað að blóta opinberlega og í vissum héröðum mega konur sem heita María ekki stunda vændi.

Í Líbanon mega menn stunda kynlíf með dýrum svo framarlega sem dýrið er kvenkyns. Ef það er karlkyns liggur dauðarefsing við brotinu.

Í Sádí-Arabíu mega karlkyns læknar ekki meðhöndla konur. Lögin segja jafnframt að konur megi ekki gerast læknar. (þetta er náttúrulega fulkomnlega rökrétt hugsun)

Í Sviss mega menn ekki pissa standandi eftir kl. 22 og heldur ekki hengja upp þvott utandyra, þvo bíla eða slá gras á sunnudögum. Þá liggja sektir við því að gleyma lyklum í ólæstum bílum.

Í Singapore eru munnmök með öllu ólögleg auk þess sem samkynhneigð er alls ekki leyfð. Ennfremur er allt klám bannað og fólk má ekki ganga um nakið heima hjá sér þar sem það er talið til kláms.

Í Skotlandi segja lögin að ef einhver bankar upp á og biður um að fá að nota klósett þá skal hann fá að gera það ella hljóti húsráðandi sektir.

Í Tælandi er ólöglegt að fara út úr húsi án þess að vera í nærfötum.

Í Alabama er bannað að keyra með bundið fyrir augun og það má heldur ekki sigla bátum á götunum. Það furðulegasta er samt að fólk má ekki vera með vöffluís í rassvasanum!

Íbúum Alaska er mjög umhugað um elgina sína og þar af leiðandi stendur það í lögum að ekki megi láta þá hanga úr flugvél. Það má heldur ekki henda þeim út úr flugvélum eða gefa þeim áfengi.

Asnar mega ekki sofa í baðkörum í Arizona og þar að auki er ólöglegt að hafa fleiri en tvö kynlífshjálpartæki á einu og sama heimilinu.

Í Maricoba County mega svo ekki fleiri en 6 stúlkur búa í sama húsinu.

Í Arkansas eru munnmök bönnuð og ekki má geyma krókódíla í baðkörum. Þar að auki er ólöglegt að bera nafn ríkisins vitlaust fram. Til að setja upp músagildrur þurfa menn að hafa veiðileyfi í Kaliforníu. Þar hafa páfuglar líka forgang í umferðinni, nema þeir séu á vappi í innkeyrslum fólks. Í Baldwin Park er bannað að hjóla í sundfötum og sums staðar verða menn að eiga minnst tvær kýr ef þeir ætla að ganga um í kúrekastígvélum. Þá liggur allt að 500$ sekt við því að nota kjarnorkuvopn innan bæjarmarka Chico og í Los Angeles er bannað að þvo tvö ungbörn í sama baðkarinu. Einnig er bannað að eiga flóðhesta en ef menn ætla út að labba með fílinn sinn verður hann að vera í bandi. Að lokum er bannað að þvo bílinn sinn með nærfötum.

Floridabúar mega ekki stunda kynlíf með broddgöltum og alls ekki reka við opinberlega eftir kl. 18 á kvöldin. Þá mega ógiftar konur ekki stunda fallhlífarstökk á sunnudögum og það er bannað að fara í sturtu nakinn. Eiginmenn mega heldur ekki kyssa brjóst konu sinnar og þar er líka bannað að syngja á meðan maður er í sundfötum.

Lögreglumenn í connecticut hafa leyfi til að stpðva hjólreiðamenn ef þeir fara yfir 100 km hraða og í bænum Devon er bannað að labba aftur á bak eftir myrkur. Þegar fólk fer í messu á sunnudögum í Georgiu skal bera hlaðinn rifill á sér og allir íbúar þar skulu minnst eiga eina grashrífu á mann. Þar má heldur ekki binda gíraffann sinn við ljósastaur.

Í bænum Marietta var bannað að hrækja út úr fólksbílum og strætó en það má hrækja ef maður er á vörubíl. Enn eru lög í gildi í Illinois sem banna fólki að tala ensku og þar liggja líka sektir við að pissa upp í munn nágranna síns.

Chicagobúar hafa heldur ekki leyfi til að veiða í náttfötunum eða gefa hundinum sínum viskí. Hins vegar má fólk undir 17 ára aldri mótmæla nakið fyrir framan ráðhúsið, svo framarlega sem það hefur leyfi foreldra sinna, og dýr geta fengið fangelsisvist eins og fólk. T.d. var api dæmdur í 5 daga fangelsi fyrir búðarhnupl.

Í bænum Oblong er svo stranglega bannað að stunda kynlíf á meðan maður er að veiða á brúðkaupsdaginn sinn og þar eru skrímsli heldur ekki leyfð innan bæjarmarkanna.

Talan Pí er venjulega um 3,14 nema í Indianaríki þar sem hún er skv. lögum 4. Þar er öpum líka bannað að reykja og svörtum köttum er skylt að vera með klukku um hálsinn ef það er föstudagurinn 13.

Í Lowa mega kossar ekki vara lengur en 5 mínútur í senn og einhentir píanóleikarar mega ekki krefjast greiðslu fyrir vinnu sína. Jafnframt er slökkviliðsmönnum skylt að æfa sig í minnst 15 mínútur áður en þeir leggja af stað í brunaútkall og að auki mega hestar ekki borða brunahana.

Hænsnaþjþofar mega ekki stunda ,,vinnu" sína á nóttunni í Kansas en þar er líka bannað að veiða fisk með berum höndum.

Lög í Kentucky segja að maður teljist edrú uns hann stendur ekki lengur í lappirnar og þar er líka skylda að fara í bað einu sinni á ári. Konur mega heldur ekki kaupa hatta án samþykkis eiginmanns síns og ólöglegt er að þiggja endaþarmssamfarir. Þar má heldur ekki binda krókódíla við brunahana.

Í Massachusetts er bannað að borða meira en 3 samlokur í jarðarför og ljón mega ekki fara með eigendum sínum í bíó. Górillur mega heldur ekki sitja í aftursæti bíla.

Niðurstaðan

Mon, 06 Mar 2006 23:04:19 GMT

Vangaveltur miklar hafa ruðst um í höfði mínu síðastliðinn sólarhring. Það er hægt að túlka niðurstöður úr þessu prófkjöri á tvennan veg fyrir mig, en kanski var ég bara óheppin. Hluti af mér er gífurlega óánægður með þessa niðurstöðu, ég tel mig hafa unnið heiðarlega fyrir íbúa sveitarfélagsins og tel að ég hafi alltaf haft heildarhagsmuni Fjarðabyggðar sem útgangspunkt í mínum verkum í sveitarstjórn. Með það í huga finnst mér að ég hefði átt að fá betri kosningu og sæti ofar á listanum.

Hinnsvegar má segja að ég hafi fengið góða kosningu því að í heildina fékk ég næstflest atkvæði af þeim sem buðu sig fram, en þau röðuðust ekki eins og ég hefði viljað og því er fjórða sætið mitt.

En hvað skal gera? Á ég að túlka þetta þannig að ég sé ekki velkominn í sveitarstjórn eða öfugt? Það er frekar litlar líkur á því að ég komist að þar sem ég sit í fjórða sæti, vissulega er einhver möguleiki á því en hann er ekki stór.

En hvað um það, ég hef eftir miklar vangaveltur ákveðið að taka þetta sæti sem ég lenti í, það er reyndar háð ákveðnum skilyrðum sem ekki verða sett niður hér. Það ágæta fólk sem situr á þessum lista með mér veit af þessum skilyrðum og eru samþykk þeim og því mun þetta ganga upp.

Eitt er alveg víst, það hvílir á herðum þeirra sem tóku þátt í þessu prófkjöri að berjast með okkur í því að ná sem bestri kosningu þegar að því kemur, og ef við leggjumst öll á eitt, þá er aldrei að vita hvað getur gerst, kanski verð ég bara fjórði maður Framsóknar í bæjarstjórn Fjarðabyggðar, hver veit????

Hastala osfrv

Eiður

Jæja gott fólk

Mon, 06 Mar 2006 07:46:51 GMT

Mér finnst nútímamaðurinn vera töluvert feimin upp til hópa. Tökum sem dæmi þessa heimasíðu, hér hafa mjög margir kíkt inn undanfarna daga en það hefur verið lítið um fyrirspurnir eða kvittanir og því dreg ég það ályktun að menn þori ekki að tjá sig, ekki einu sinni hér.

Aðeins einn kom með spurningu í kjölfar skrifa minna hér inná síðunni, og mér hfði nú satt að segja fundist að það hefði mátt vera betra. En þið ráðið því reyndar alveg ágætu gestir hvað þið gerið en óneitanlega væri gaman að a.m.s.k. hluti ykar myndi kvitta.

En á öðrum nótum, mér finnst stórmerkilegt að afstöðnu þessu prófkjöri hversu margir kusu í því, allavega miðað við mætingu á fundina sem við héltum. Það virtist engin áhugi vera fyrir því að kynna sér frambjóðendur og því veltir maður fyrir sér á kvaða forsendu sé verið að kjósa. Ég veit það svosem ekki maður hefði nú kanski bara fengið enn færri atkvæði ef fleiri hefði mætt á fundina, hver veit?

Eiður

Þá er það afstaðið

Sun, 05 Mar 2006 13:40:48 GMT

Nú liggja úrslitin fyrir:

	1	1-2.	1-3.	1-4.
Eiður Ragnarsson	43	157	249	343
Guðmundur Þorgrímsson	147	212	259	319
Jóhanna Guðný Halldórsdóttir	1	21	90	208
Líneik Anna Sævarsdóttir	7	156	288	364
Sigrún Júlía Geirsdóttir	118	162	224	283
Þorbergur Hauksson	132	188	235	275

Og þetta var niðurstaðan.

Þetta þýðir að Guðmundur er í fyrsta, Bergur í öðru Líneik í þriðja og undirritaður í fjórða. Ekki get ég nú sagt að ég sé alkostar sáttur en svona er þetta bara.

En skoðum líka skiptinguna á sæti:

	1	2	3	4
Eiður Ragnarsson	43	114	92	94
Guðmundur Þorgrímsson	147	65	47	60
Jóhanna Guðný Halldórsdóttir	1	20	69	118
Líneik Anna Sævarsdóttir	7	149	139	76
Sigrún Júlía Geirsdóttir	118	44	62	59
Þorbergur Hauksson	132	56	47	40

Þarna sést hvernig hún er og síðan sjáum við hve há % af heildinni gáfu okkur atkvæði:

Eiður Ragnarsson	75,55%
Guðmundur Þorgrímsson	70,26%
Jóhanna Guðný Halldórsdóttir	45,81%
Líneik Anna Sævarsdóttir	80,18%
Sigrún Júlía Geirsdóttir	62,33%
Þorbergur Hauksson	60,75%

Heildarfjöldi greiddra atkvæða var 454 og þar af voru 6 ógild.

En skoðum síðan í lokin hversu margir vildu eða vildu ekki gefa frambjóðendum sitt atkvæði í 1 til 4 sæti

Eiður Ragnarsson	338	Greiddu atkv í eitt af 4 sætum
Guðmundur Þorgrímsson	315	Greiddu atkv í eitt af 4 sætum
Jóhanna Guðný Halldórsdóttir	205	Greiddu atkv í eitt af 4 sætum
Líneik Anna Sævarsdóttir	359	Greiddu atkv í eitt af 4 sætum
Sigrún Júlía Geirsdóttir	278	Greiddu atkv í eitt af 4 sætum
Þorbergur Hauksson	272	Greiddu atkv í eitt af 4 sætum


Eiður Ragnarsson	110	Gáfu ekkert atkvæði
Guðmundur Þorgrímsson	133	Gáfu ekkert atkvæði
Jóhanna Guðný Halldórsdóttir	243	Gáfu ekkert atkvæði
Líneik Anna Sævarsdóttir	89	Gáfu ekkert atkvæði
Sigrún Júlía Geirsdóttir	170	Gáfu ekkert atkvæði
Þorbergur Hauksson	176	Gáfu ekkert atkvæði

Ég veit ekki hvað skal segja um þetta allt saman nema hvað ég hefði viljað vera ofar. Einnig ef maður talar eins og 100% pólitíkus þá erum ég og Líneik að sjálfsögðu sigurvegarar vegna þess hversu margir vildu okkur í 1-4 sæti og fáir gáfu okkur ekkert atkvæði, en það breytir ekki niðurstöðunni neitt.

Eiður

Kjörsókn.

Sat, 04 Mar 2006 18:30:38 GMT

Jæja þá er þetta búið, þ.e. búið að kjósa en ennþá á eftir að telja atkvæðin.

Kjörsóknin var ágæt en það mætu alls tæplega 380 til að kjósa, en svona var mætingin;

Eskifjörður: 101

Fáskrúðsfjörður: 76

Norfjörður: 106

Reyðarfjörður: 60

Stöðvarfjörður: 35

Mjóifjörður var allur utankjörfundar.

Einhverjir kusu utankjörfundar en ég hef ekki upplýsingar um það núna hvað þau atkvæði voru mörg.

Þetta eru fyrstu tölur og eru þær án ábyrgðar.

Set meira inn seinna í kvöld

kv Eiður

Nú er það brostið á

Sat, 04 Mar 2006 12:15:43 GMT

Jæja þá er bara að fara og kjósa. Ég vona bara að þáttakan verði sæmileg og það fari sem flestir og taki þátt í prófkjörinu, því að þá getum við sagt með sanni að fólkið hafi myndað listann.

Svo sjáum við til í kvöld hvernig þetta fer.

Kjósum og höfum áhrif.

Kveðja Eiður

P.S Það myndi nú ekki spilla fyrir ef þið settuð mig í fyrsta eða annað sæti.

Fundirnir sex

Fri, 03 Mar 2006 13:45:08 GMT

Þau mál sem helst komu upp á þessum sex fundum sem við héldum voru eftirtalin:

Mjóifjörður, þar var að sjálfsögðu atvinnu og samgöngumál lang stærstu málin, en á því ástandi sem skapast hefur í atvinnumálum er ekki til nein patentlausn. Samt er ég þeirrar skoðunar að draga eigi Samherja til ábyrgðar að einhverju leiti og þeir verða að koma á móts við fólk og þær væntingar sem þeir eru búnir að byggja upp.

Samgöngumálin eru einföld, það á að BORA!!!!!!!!!!!!

Stöðvarfjörður, þar voru það einnig atvinnumál sem brunnu á fundargestum, en þar hefur Samherji reyndar lofað því að koma á móts viði Stöðfirðinga með fjárframlögum í vænleg atvinnutækifæri og hafa þeir reyndar nú þegar gert það eitthvað og hafa lofað meiru. Skólamál voru einnig umræðu efni, en ekki er tímabært að taka ákvarðanir um einhverja breytingu á skólum byggðarkjarnanna fyrr en sameining hefur átt sér stað og stjórnsýslan hefur náð yfirsýn yfir rekstur og stjórn sveitarfélagsins.

Fáskrúðsfjörður, þar brunnu íþrótta og æskulýðsmál hvað mest á fundargestum, en spurt var t.d. hvort Fjarðabyggð myndi samræma styrkjakerfi og halda sig við þá 3 ára áætlun sem búið er að gera um uppbyggingu á íþróttasvæði Leiknis á Fáskrúðsfirði. Svarið við þessum spurningum er einfalt, já.

Reyðarfjörður, þar voru rædd skipulagsmál og um framhaldsskóla í Fjarðabyggð. Skipulagsmálin þarf að skoða frá grunni ásamt stjórnsýslu og starfsmannamálum. Öll stjórnsýslan á einn stað það er lykilatriði og einn af þeim þáttum sem stuðlar að meiri einingu í sveitarfélaginu. Endurskoða á forkaupslista með það að markmiði að gera byggðina skipulagðari og meira í takt við nútíman, en það er samt ekki þar með sagt að það eigi að rífa allt sem gamalt er.

Skólamálin eru ekki einföld, sumir eru á því að byggja eigi nýjan framhaldsskóla og aðrir eru á því að það eigi að flytja Verkmenntaskóla Austurlands á Reyðarfjörð með það að markmiði að efla hann. Ég er oft með agalegt Ragnars Reykás heilkenni í þessum skólamálum, ég er yfirleitt sammála síðasta ræðumanni, en þó held ég að ef samgöngubætur koma til, þá ætti að vera hægt að efla VA þar sem hann er nú. Ég veit ekki hvort að það er pláss fyrir tvo skóla af þessu tagi innan Fjarðabyggðar, en ef að viji stendur til þess að fjölga þeim þá verður að skoða það með jákvæðu hugarfari og ekki útiloka neitt í fyrstu umferð.

Norfjörður, samgöngumál samgöngumál, einnig skólamál og veltu menn því fyrir sér hvort að ekki eigi að taka stefnuna á Haskólasetur í tengslum við t.d. Náttúrustofu Austurlands. Ég á því að það sé meira en sjálfsgt að stefna á einhverkonar ha´skólasetur í tenglum við Náttúrustofuna. Og það ætti að vera eitt að markmiðum nýrrar sveitarstjórnar.

Eskifjörður, þau mál sem á mönnum brunnu þar voru skólamál, stjórnsýslan og vangaveltur um það hvernig ætti að eyða ríg þeim sem virðist vera landlægur hjá okkur.

Ég er á því að eitt af því sem þarf að gera til að slökkva á ríg þessum sé markvissari og beittari stjórnun, nú hafa menn í átta ár læðst með veggjum í öllum okkar ákvarðannatökum og ekki þorað að taka erfiðar ákvarðanir, en oft er það nauðsynlegt til að stuðla að betra samfélagi. Stjórnsýslan á einnig að fara öll á einn stað til þess að hún verði markvissari, pg einnig gefur það það skilaboð um það að við séum eitt samstíga sveitarfélaga en ekki sundurlaus hópur byggðarkjarna.

Ég held að þetta sé það helsta sem kom fram og mínar skoðanir á því.

Endileg setjið inn kveðjur eða spurningar ef einhverjar eru

Og mætum á kjörstað og kjósum........... Eið í fyrsta sæti